يحكى ان اثناء خزعبلاتى الفكرية توصلت الى
الثلاثه اطرف بما فيهم الاطراف المخفيه
سواء كنت محليه او دوليه او محلية برعايه دوليه او ممكن تسميها دوليه
برعايه محليه .
الطرف الاول بالنسبه لينا...الاخوان المسلمين.
الطرف التانى برضه معروف شويه ....العسكر اضافه
ايه الملحق الامنى الجديد له
والمستشار السياسى الخاص به من ابناء مبارك
السابقين مع قليل من سرطان انتشر بداخله يسمى
بجهاز الامن الوطنى .... اضف الى خزعبلاتك المخابرات العسكريه .
الطرف التالت ياسيدى دائما هو صانع الازمات
وصاحب المشكلات وصاحب الحلول الوسطيه
المرضيه للطرفين السابق ذكرهما ... وساعات كمان ليك وليا ؟
الطرف التالت ياسيدى هو التابع لصاحب مصلحه
استقرار الاوضاع فى مصر مع الحفاظ على الشكل القديم للدوله او فى اسوء الظروف
(الخطه الاستبن يعنى ) حدوث تغيرات طفيفه فى شكل الدوله بدخول الطرف التانى كشريك فى الحكم الظاهرى مع الطرف الاول مع ضمان سيطره الطرف التالت على طرفى المعادله
فى حاله حدوث اى ازمات مستقبليه تهدد السلام
العالمى فى الشرق الاوسط بما فى ذلك الامن
القومى للدوله الوليدة التى تدعى اسرئيل وفى رويات اخرى الكيان الصهيونى !!
طب بذمتكوا حد فاهم حاجه ؟
وهيبقى قدامك يا حبيبى خيارين محمد مرسى او الشفيق فريق بين قوسين
فاشيه دينيه او فاشيه عسكرية .
اما فى حاله عدم حدوث تفاهمات.. سيتم الزج
بالحاله الوسط الذى سيرضى
"
بضم السين" جميع الاطراف برعايه دوليه امريكيه وهى الدوله الناصريه الظاهرية
الامنيه الداخليه
الدينيه مجتمعيا الحالمه اقتصاديا الخاضعه
دوليه طبعا للمواثيق والاعراف الدوليه التى يجب ان نلتزم بيها جميع فى سبيل
استقرار الوطن وسلامه اراضيه والحدق يفهم والله الموفق والمستعان..
التعليقات: 5
ماذا تقصد بالناصرية الظاهرية
ملعوبة
الناصريه الظاهرية حمدين صباحى بصلاحيات محمدوة يحددها شكل الدستور الغير معروف حتى الان
انت تقصد ان الطرف التالت المخابرات ؟
اكيد
إرسال تعليق